Arxiv foto

Oʻtgan asrning 80-90-yillardagi oʻzining ajoyib jangovar filmlari bilan tanilgan aktyor Jan-Klod Van Damm odam savdosi, jumladan bolalar xizmatlaridan foydalanish bilan shugʻullangan jinoiy guruhga aloqadorlikda ayblanmoqda.

Ruminiyaning “Pro TV” telekanali xabariga koʻra, aktyor ruminiyalik bir necha yosh qizlar bilan vaqt oʻtkazgan. Bu haqda uning taxmin qilinayotgan qurbonlaridan birining advokati Adrian Kukulis jurnalistlarga soʻzlab berdi.

“Jinoyat ishi bizning bolalikdagi kumirimiz Van Dammning muloqot qilish chogʻida zaif holatdagi beshta ruminiyalik qiz bilan jinsiy aloqada boʻlganini koʻrsatadi”, — dedi advokat.

Qayd etilishicha, aktyorga qoʻyilgan ayblovlarni uchrashuvlardan birida ishtirok etgani aytilayotgan yosh ayollardan biri tasdiqlagan. Voqealarning oʻzi, nashrga koʻra, Kannda sodir boʻlgan. Advokatning aniqlik kiritishicha, uning ixtiyorida Van Dammning ushbu tadbirlarda ishtirok etganini tasdiqlagan guvohning koʻrsatmalari bor.

Jangovar filmlar uchun qizlarni tanlashni “Kasta Morrely” modellik agentligi egasi, ruminiyalik tadbirkor Morel Bolea amalga oshirgan. Uning oʻzi 2000-yildan 2016-yilgacha voyaga yetmaganlar savdosi ishi boʻyicha asosiy ayblanuvchi hisoblanadi.