Архив фото

Ўтган асрнинг 80-90 йиллардаги ўзининг ажойиб жанговар фильмлари билан танилган актёр Жан-Клод Ван Дамм одам савдоси, жумладан болалар хизматларидан фойдаланиш билан шуғулланган жиноий гуруҳга алоқадорликда айбланмоқда.

Руминиянинг “Про ТВ” телеканали хабарига кўра, актёр руминиялик бир неча ёш қизлар билан вақт ўтказган. Бу ҳақда унинг тахмин қилинаётган қурбонларидан бирининг адвокати Адриан Кукулис журналистларга сўзлаб берди.

«Жиноят иши бизнинг болаликдаги кумиримиз Ван Даммнинг мулоқот қилиш чоғида заиф ҳолатдаги бешта руминиялик қиз билан жинсий алоқада бўлганини кўрсатади», — деди адвокат.

Қайд этилишича, актёрга қўйилган айбловларни учрашувлардан бирида иштирок этгани айтилаётган ёш аёллардан бири тасдиқлаган. Воқеаларнинг ўзи, нашрга кўра, Каннда содир бўлган. Адвокатнинг аниқлик киритишича, унинг ихтиёрида Ван Даммнинг ушбу тадбирларда иштирок этганини тасдиқлаган гувоҳнинг кўрсатмалари бор.

Жанговар фильмлар учун қизларни танлашни «Kasta Morrely» моделлик агентлиги эгаси, руминиялик тадбиркор Морел Болеа амалга оширган. Унинг ўзи 2000 йилдан 2016 йилгача вояга етмаганлар савдоси иши бўйича асосий айбланувчи ҳисобланади.