Stenford universitetidagi nevrologlar, oʻzak hujayralari boʻyicha olimlar va molekulyar biologlar guruhi Alsgeymer kasalligining asosiy sababi miya hujayralarida yogʻ toʻplanishi boʻlishi mumkinligi haqidagi dalillarni topdi.

Bundan avvalgi tadqiqotlar shuni koʻrsatdiki, Alsgeymer kasalligi asab hujayralari orasida oʻsadigan blyashkalarda beta-amiloidning toʻplanishi natijasida yuzaga keladi. Boshqa bir tadqiqotda esa miya hujayralarida toʻplanishi mumkin boʻlgan tau oqsili aniqlangandi.

Natijada, kasallikning oldini olish, uni sekinlashtirish yoki toʻxtatish usullarini ishlab chiqish boʻyicha tadqiqotlarning aksariyati bunday toʻplanishlarni kamaytirish yoki bunga yoʻl qoʻymaslikka asoslangan. Ammo yangi tadqiqot olimlarining fikricha, kasallik rivojlanishi asosida boshqa narsa ham boʻlishi mumkin.

Tadqiqot guruhi APOE genining funksiyasiga eʼtibor qaratdi, oldingi tadqiqotlar shuni koʻrsatdiki, u yogʻ tomchilarini asab hujayralariga tashishda ishtirok etadigan oqsilni kodlaydi.

Tadqiqotchilarning fikricha, oʻrganish natijalari miyada amiloidning toʻplanishi miya hujayralariga yogʻlarning ajralib chiqishiga sabab boʻlib, Alsgeymer kasalligiga olib kelishini koʻrsatdi.