Bosh prokuratura huzuridagi Departamentning Muzrabot tuman boʻlimi tomonidan oʻtkazilgan tergovga qadar tekshiruvda “A.D.” MCHJ rahbari Т.F. va boshqalar hududiy tijorat banki filialidan ajratilgan 400 mln soʻm kredit garov taʼminotiga fuqaro Х.Х.gа tegishli binoni 520 mln soʻmga baholab taqdim etib, keyinchalik bank filialining soxta xatiga asosan ushbu binoni taqiqdan chiqarishga erishib, kredit mablagʻini oʻzlashtirish yoʻli bilan talon-toroj qilganliklari aniqlangan.

Shu kabi, Departamentning Uzun tuman boʻlimi tomonidan oʻtkazilgan tergovga qadar tekshiruvda “J.L.” xususiy korxonasi rahbari Sh.А. va boshqalar 7 nafar fuqaro nomiga soxta hujjatlar orqali 211,8 mln soʻm imtiyozli kredit rasmiylashtirib, ushbu mablagʻlarni oʻzlashtirish yoʻli bilan talon-toroj qilganliklari aniqlangan.

Mazkur holatlar yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishlari qoʻzgʻatilib, tergov harakatlari oʻtkazilmoqda.