“SIEMENS” kompaniyasi Oʻzbekistonda malakali kadrlar tayyorlashga koʻmaklashadi

13:37 25 Noyabr 2021 Madaniyat
1002 0

Bu toʻgʻridagi anglashuv memorandumi Germaniyaning Myunxen shahrida oʻtkazilgan Oʻzbekiston-Germaniya Hukumatlararo komissiyasi yigʻilishining yakunlari doirasida imzolangan.

Unga koʻra, «Oʻzeltexsanoat» uyushmasi raisi Mirziyod Yunusov va “Siemens” kompaniyasi Bosh direktori Aleksandr Liberov oʻrtasida tuzilgan kelishuvga koʻra, 2022-yilda Oʻzbekistonda elektrotexnika va elektronika sohasida faoliyat yurituvchi malakali kadrlarni tayyorlash va qayta tayyorlashga ixtisoslashgan xalqaro talablarga mos oʻquv markazi tashkil etiladi.

Memorandumda markazni kerakli texnik qurilmalar, jihozlar va oʻqitish uskunalari bilan taʼminlash, “Siemens” kompaniyasining malakali mutaxassislari ishtirokida taʼlim berish tizimini yoʻlga qoʻyish kabi masalalar oʻrin olgan.

Tashkil etilayotgan qoʻshma oʻquv markazi oliy taʼlim muassasalari va korxonalar oʻrtasida “Dual” taʼlim tizimini rivojlantirishga ham hissa qoʻshadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?