Shavkat Mirziyoyevning Qoraqalpogʻistonga tashrifi yakunlandi
![](https://xs.uz/upload/post/2024/08/20/3fd6cd78e38ef832c97b6de271ccb0380820.jpg)
Foto: Prezident matbuot xizmati
Prezident Shavkat Mirziyoyev Qoraqalpogʻistonga tashrifi davomida Nukus shahridagi “Oqqush” majmuasida tashkil etilgan oʻtovlar koʻrgazmasini koʻzdan kechirdi. Bu haqda Prezident matbuot xizmati xabar berdi.
Aytish joiz, davlat rahbari 2022-yilda hududga tashrifi chogʻida oʻtovlar koʻrgazmasini tashkil etish boʻyicha koʻrsatma bergan edi. Shu asosda ellik gektardan ortiq maydon yanada obod qilinib, koʻplab oʻtovlar barpo etildi. Eng katta oʻtovning diametri 42, balandligi 22 metr. Unda maʼmuriyat, oshxona va boshqa xonalar mavjud. Bu yerda turli madaniy tadbirlar, forumlar oʻtkazish mumkin.
![](/upload/post/2024/08/20/f66ecd0fac5c73ef1a34037646fd2db30820.jpg)
Majmuada qoraqalpoq, qozoq, turkman, qirgʻiz, boshqird kabi turkiy xalqlarning hamda Qoraqalpogʻiston tumanlarining oʻtovlari tashkil etilgan. Ularda qardosh ellarimiz tarixi, madaniyati va turmush tarzi oʻz ifodasini topgan.
Prezident ushbu oʻtovlarni kirib koʻrdi.
![](/upload/post/2024/08/20/b4b186a645c6f2414953ad3fad7b37c70820.jpg)
![](/upload/post/2024/08/20/600771e8442129859e4ce3980951d8930820.jpg)
Bogʻda sunʼiy koʻl, orolcha va mehmonxona ham bor. Bular qisqa davrda mazkur maskanni turizm manzillaridan biriga aylantirdi. Oʻtovlar, milliy kiyim va buyumlarga sayyohlar katta qiziqish bilan qaramoqda.
Shu bilan Prezident Shavkat Mirziyoyev Qoraqalpogʻistonga tashrifini yakunlab, Toshkentga qaytib keldi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring