TIR ijroiya kengashining navbatdan tashqari boʻlib oʻtgan yigʻilishi davomida Oʻrta koridorni eTIR yoʻlagiga aylantirish, yaʼni Markaziy Osiyo orqali amalga oshirilayotgan xalqaro tashuvlar uchun yagona raqamli platforma yaratish, yuklarni xalqaro tashish boʻyicha Konvensiyaning 11 ilovasini amaliyotga tatbiq etish kabi masalalar koʻrib chiqilmoqda.

TIR ijroiya kengashining mazkur yigʻilishini oʻtkazish masalasi joriy yilning fevral oyida BMTning Jenevadagi shtab-kvartirasida eTIR tartibini amalga oshirish boʻyicha Ishchi guruhining majlisi davomida koʻrib chiqilgan edi.

TIR Maʼmuriy qoʻmitasining yigʻilish kun tartibiga Ijroiya kengashning Oʻzbekistonlik vakili, Bojxona qoʻmitasi boshqarma boshligʻi Rustam Kabulov tashabbusi bilan TIR Konvensiyasi Maʼmuriy qoʻmitasining 2023-yilda oʻtkaziladigan yigʻilishiga Rais etib Bojxona qoʻmitasi bosh inspektori Elyor Xakimov nomzodi kiritilgan.

TIR Konvensiyasi Maʼmuriy qoʻmitasining 78 mamlakatdan iborat vakillari tomonidan bir ovozdan Bojxona qoʻmitasi bosh inspektori Elyor Xakimov nomzodi tasdiqlangan.

Yigʻilish Oʻzbekiston bojxona xizmati xodimi raisligida boʻlib oʻtgani yuklarni xalqaro yoʻllarda tashish jarayonlari boʻyicha Oʻzbekiston bojxonasining tajribasi xalqaro miqyosda tan olinayotganligi va eʼtirof etilayotganligini anglatadi.

Navbatdagi yigʻilishda Qozogʻiston, Qirgʻiziston, Tojikiston, Eron, Pokiston, Turkmanisiston mamlakatlaridan tashrif buyurgan bojxona organi xodimlari, hamda Xalqaro avtomobil transport ittifoqi, TIR Ijroya kengashi aʼzolari, BMT EIK, Xalqaro avtomobil transport ittifoqi, TRASECA, GIZ va Islom taraqqiyot banki vakillari ishtirok etishmoqda.

Ushbu yigʻilishning aynan Oʻzbekistonda oʻtkazilishi mamlakatimizning tranzitni soddalashtirish va erkinligini taʼminlash borasidagi faolligini isbotlaydi.

Tadbirda Oʻzbekiston Respublikasi transport vazirligi va Investitsiyalar, sanoat va savdo vazirligi vakillari oʻz taqdimotlari bilan ishtirok etishdi.

Oʻrta yoʻlakda eTIRni joriy etish mintaqaning tranzit salohiyatini oshirishga, jarayonlarni amalda keng qoʻllanishiga yordam beradi va tranzit hujjatlarini raqamlashtirishda oʻrta yoʻlak mamlakatlarini faollashtirish imkonini beradi.