Foto: Videodan kadr

Samarqand viloyati Paxtachi tumanida avtobus va 3 ta avtomobil ishtirokida yoʻl-transport hodisasi yuz berdi. Hodisa oqibatida ikki kishi halok boʻldi. Bu haqda “Markaziy studiya” informatsion dasturida maʼlum qilindi.

Qayd etilishicha, viloyatlararo qatnovchi “Cobalt” haydovchisi M-37 xalqaro avtomobil yoʻlining Paxtachi tumani hududidan oʻtgan qismida boshqaruvni yoʻqotgan.

Mashina oʻzi bilan bir yoʻnalishda harakatlanib kelib qayrilib olayotgan “Tracker”ga urilgan. Soʻng qarama-qarshi tomonga oʻtib ketib, “Nexia-3” va avtobus bilan toʻqnashgan.

Oqibatda ogʻir tan jarohatlari olgan “Cobalt” yoʻlovchisi hodisa joyida, haydovchisi shifoxonada vafot etgan.

Videolavhada aytilishicha, avtomaktab oʻqituvchi-instruktori yoʻl-transport hodisasi sodir etib hodisa joyidan qochib ketgan.

Qayd etilishicha, hodisa yuzasidan Paxtachi tumani IIB tergov boʻlimi tomonidan jinoyat ishi qoʻzgʻatilgan. Hozirda tergov harakatlari olib borilmoqda.