Foto: Халқ сўзи

Xalqaro salomatlik kuni munosabati bilan barcha hududlarda Sogʻliqni saqlash vazirligining “Salomatlik sayllari” oyligi oʻtkazilishi belgilandi. Shu munosabat bilan Samarqand shahar tibbiyot birlashmasi tasarrufidagi 2-son oilaviy poliklinikasida bugundan boshlab salomatlik sayli boshlandi. Ayni vaqtda istovchilar Toshkentdan kelgan malakali mutaxassislarning tibbiy koʻrigidan oʻtib, salomatligi borasida kerakli maʼlumotga ega boʻlmoqda.

Bir oy davomida Respublika ixtisoslashtirilgan tibbiyot markazlari va viloyat davolash profilaktika muassasalarining malakali mutaxassislari hamda tibbiyot oliygohlarining professor oʻqituvchilari ishtirokida tegishli grafik boʻyicha viloyat hududlarida profilaktik tibbiy koʻriklar, skrining dasturlari va sogʻlomlashtirish tadbirlari tashkil etiladi.

Shuningdek, tibbiy koʻrik va tekshiruvlar natijasiga koʻra, bemorlarga bir qator dori vositalari berilishi koʻzda tutilgan. Barcha xizmatlar bepul amalga oshiriladi.