Qudratillo Abduqahhorov 15-dekabr kuni Meksikada jang qiladi
Super yarimoʻrta vazn toifasida oʻz janglarini oʻtkazib kelayotgan Qudratillo Abduqahhorovning navbatdagi jangi eʼlon qilindi. Bu haqda Oʻzbekiston professional boks federatsiyasi xabar berdi.
Manbaga koʻra, 31 yoshli oʻzbekistonlik charm qoʻlqop ustasi 15-dekabr tongida Meksikaning Tixuana shahrida tashkil etiladigan professional boks oqshomi doirasida ringga koʻtariladi.
Abduqahhorovga oʻsha kuni meksikalik tajribali Xorxe Garsiya Peres raqiblik qiladi. Jang turnirning ikkinchi asosiy toʻqnashuvi (co main event) maqomida boʻladi.
Tixuanadagi boks oqshomining markaziy jangi mahalliy bokschi Xayme Mungiya va Fransiya vakili Bruno Syureys oʻrtasida kechadi.
Maʼlumot uchun, Qudratillo Abduqahhorov (20-3-0) soʻnggi jangini may oyida gretsiyalik Andreas Katsurakisga qarshi oʻtkazib, hakamlarning nozolis qarori boʻyicha ochkolar hisobiga koʻra magʻlub boʻlgandi. 27 yoshli Garsiya Peres faoliyati davomida 35 ta jang oʻtkazib, 31 gʻalaba, 4 magʻlubiyat qayd etgan.
Tavsiya etamiz
Ko‘p o‘qilganlar
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Alisher Navoiy – ilm va maʼno ehtiyoji manbai
- Bedilni xalqqa tanitgan xattot
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Oʻzlikni anglash sari muhim qadam: “Milliy qadriyatlar atlasi” kitob-albomi taqdimot qilindi (+video)
- Milliy naqshlarda oʻzligimiz namoyon
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring