O‘zbekistonlik voleybolchilar 12 yillik tanaffusdan keyin ilk bor qit’a birinchiligida qatnashmoqda

22:33 13 Sentyabr 2021 Sport
614 0

 

Shu kunlarda Yaponiyaning Chiba shahrida voleybol bo‘yicha erkaklar o‘rtasida Osiyo chempionati bo‘lib o‘tmoqda. Unda O‘zbekiston terma jamoasi ham ishtirok etyapti. 

“S” guruhidan o‘rin olgan jamoamiz bugun Xitoyga qarshi 2-tur uchrashuvini o‘tkazdi. Tajriba va mahorat bobida ustun bo‘lgan xitoyliklar bahsda 3:0 (25:14, 25:18, 25:16) hisobida g‘alabaga erishdi. Afsuski, ushbu bellashuvdan keyin jamoamiz keyingi bosqichga chiqish imkoniyatini pasaytirib yubordi. Boisi Avstraliyaga qarshi kechgan 1-turda ham yigitlarimiz 0:3 hisobida imkoniyatni boy berishgan edi. 

Endi O‘zbekiston jamoasi guruhdagi so‘nggi turni ertaga Quvaytga qarshi o‘tkazadi. Qayd etish joiz, jamoamiz 12 yillik tanaffusdan keyin ilk bor qit’a birinchiligida qatnashmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?