Ўзбекистонлик волейболчилар 12 йиллик танаффусдан кейин илк бор қитъа биринчилигида қатнашмоқда

22:33 13 Сентябр 2021 Спорт
579 0

 

Шу кунларда Япониянинг Чиба шаҳрида волейбол бўйича эркаклар ўртасида Осиё чемпионати бўлиб ўтмоқда. Унда Ўзбекистон терма жамоаси ҳам иштирок этяпти. 

“С” гуруҳидан ўрин олган жамоамиз бугун Хитойга қарши 2-тур учрашувини ўтказди. Тажриба ва маҳорат бобида устун бўлган хитойликлар баҳсда 3:0 (25:14, 25:18, 25:16) ҳисобида ғалабага эришди. Aфсуски, ушбу беллашувдан кейин жамоамиз кейинги босқичга чиқиш имкониятини пасайтириб юборди. Боиси Aвстралияга қарши кечган 1-турда ҳам йигитларимиз 0:3 ҳисобида имкониятни бой беришган эди. 

Энди Ўзбекистон жамоаси гуруҳдаги сўнгги турни эртага Қувайтга қарши ўтказади. Қайд этиш жоиз, жамоамиз 12 йиллик танаффусдан кейин илк бор қитъа биринчилигида қатнашмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?