Oʻzbekistonlik sportchi 42 kmlik marafonda finishga yetib kela olmadi
![](https://xs.uz/upload/post/2024/08/10/138296002ae9d6ed98fea6278aeb0b550810.jpg)
Fransiya poytaxtida oʻtkazilayotgan yozgi Olimpiada oʻyinlarida oʻzbek sportchilari oʻz ishtiroklarini davom ettirmoqda.
Yengil atletika boʻyicha Oʻzbekiston terma jamoasi aʼzosi Shohruh Davlatov “Parij-2024” yozgi Olimpida oʻyinlaridagi ishtirokini yakunladi.
Erkaklar oʻrtasida 42 km 195 metr masofaga kechgan marafonda qatnashgan hamyurtimiz finishgacha yetib kela olmadi.
Hamyurtimiz Shohruh Davlatov 30-kilometrdan soʻng oʻzini yomon his qilgani bois trassadan chetga chiqdi va finishgacha bormasdan musobaqani yakunlashga qaror qildi.
Ushbu bahsda efiopiyalik Tamirat Tola yangi Olimpiya rekordi (2:06.26) bilan marraga birinchi boʻlib yetib keldi. Kumush medal belgiyalik Bashir Abdiga (2:06.47) nasib etgan boʻlsa, keniyalik Benson Kipruto (2:07.00) kuchli uchlikni yakunlab berdi.
Qayd etish kerakki, Shohruh bahslarni juda yaxshi boshlagandi. Marafonning dastlabki 15 kilometrida ham u yetakchi 15 nafar sportchi ichida ketayotgandi.
Bahslarda 81 nafar atlet qatnashdi va ularning 10 nafari finishga yetib bora olmadi.
Bungacha Hasanboy Doʻsmatov va Asadxoʻja Moʻydinxoʻjayev “Parij-2024”ning boks bellashuvlarida oltin medallarni qoʻlga kiritgandi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring