Oʻzbekistonda Germaniya mehnat bozoriga moslashtirilgan oʻquv markazlari ochilishi rejalashtirilmoqda. Ushbu markazlar Germaniya mehnat bozori talablariga javob beradigan kasbiy taʼlim dasturlarini taqdim etadi.

Bitiruvchilar Germaniyada muvaffaqiyatli ishga joylashish uchun zarur boʻlgan koʻnikma va malakalarni egallashlari koʻzda tutilgan. Bu tashabbus Oʻzbekiston va Germaniya oʻrtasidagi taʼlim va mehnat bozoridagi hamkorlikni mustahkamlashga qaratilgan.

Mazkur loyiha doirasida Tashqi ishlar vaziri oʻrinbosari Olim Abdullayev va Germaniyaning “SBH West GmbH” tashkiloti vakillari uchrashuv oʻtkazishdi. Muzokaralarda Oʻzbekiston fuqarolarini Germaniyada ish bilan taʼminlash, jumladan yuk va avtobus haydovchisi sifatida ishga joylashtirishga qaratilgan memorandumning amalga oshirilishi masalasi muhokama qilindi. Ushbu memorandum orqali ikki davlat oʻrtasidagi mehnat migratsiyasini yangi bosqichga olib chiqish maqsad qilgan.

Tomonlar, shuningdek, “SBH West GmbH” oʻquv markazlarining Oʻzbekiston hududlarida filiallarini tashkil etishga kelishib olishdi. Ushbu oʻquv markazlari zamonaviy taʼlim dasturlarini taklif etib, Germaniya mehnat bozorida talab etiladigan mutaxassislarni tayyorlaydi. Bunday taʼlim muassasalari orqali oʻzbekistonliklar Germaniyada malakali ish joylarini egallash imkoniyatiga ega boʻlishadi.

Kelishuvlarning amalga oshirilishi natijasida oʻzbekistonliklar uchun xalqaro mehnat bozorlarida yangi ish oʻrinlari yaratiladi. Bu ikki davlat oʻrtasida taʼlim, migratsiya va malaka oshirish yoʻnalishlaridagi hamkorlikni yanada mustahkamlashda muhim qadam boʻladi.