Bugun, 14-noyabr kuni futbol boʻyicha Oʻzbekiston milliy terma jamoasi Birlashgan Arab Amirliklarida boʻlib oʻtayotgan “Al Ain Cup” turniri doirasida Misr terma jamoasi bilan kuch sinashadi.

Taʼkidlash kerakki, Oʻzbekiston milliy terma jamoasi shu vaqtga qadar Afrika qitʼasining 7 ta terma jamoasiga qarshi oʻrtoqlik oʻyini oʻtkazgan. Misr “oq boʻrilar”ning Afrikadagi sakkizinchi raqibi hisoblanadi.

Oʻzbekiston milliy terma jamoasi shu vaqtga qadar Afrika mintaqasining Nigeriya, Burkina-Faso, Marokash, Senegal, Uganda, Janubiy Sudan va Kamerun terma jamoalari bilan kuch sinashgan. Ushbu oʻyinlarda qayd etilgan natijalar:

• Oʻzbekiston 2:3 Nigeriya (1995, Toshkent)
• Nigeriya 1:0 Oʻzbekiston (1995, Lagos, Nigeriya)
• Oʻzbekiston 1:0 Burkina-Faso (2016, Toshkent)
• Senegal 1:1 Oʻzbekiston (2016, Kasablanka, Marokash)
• Marokash 2:0 Oʻzbekiston (2016, Kasablanka, Marokash)
• Oʻzbekiston 3:0 Janubiy Sudan (2022, Dubay, Birlashgan Arab Amirliklari)
• Oʻzbekiston 4:2 Uganda (2022, Namangan)
• Kamerun 0:2 Oʻzbekiston (2022, Goyang, Janubiy Koreya)

Maʼlumot uchun, Oʻzbekiston va Misr oʻyini Toshkent vaqti bilan soat 21:00 da boshlanadi.