Foto: Xasan Paydoyev / «Xalq so‘zi»

Ayni damda Shveytsariyada bo‘lib turgan «Xalq so‘zi» va «Narodnoye slovo» gazetalari tahririyati fotomuxbiri Alp tog‘lari bag‘rida joylashgan Davos shahrining betakror manzaralarini kamera ob’yektiviga muhrladi.

Davos Shveytsariyaning eng baland qismida joylashgan shaharlaridan biri bo‘lib, u tabiat musaffoligi va zamonaviy infratuzilma uyg‘unlashgan noyob maskan sifatida tanilgan. Qorli tog‘lar, yashil vodiylar va toza havo bu shaharga o‘ziga xos joziba bag‘ishlaydi.

Shahar nafaqat tabiiy go‘zalligi, balki xalqaro ahamiyati bilan ham mashhur. Davos yil sayin dunyo yetakchilari, iqtisodchilar va siyosatchilarni bir joyga jamlaydigan nufuzli xalqaro anjumanlar o‘tkaziladigan markazga aylanib bormoqda. Bu esa shaharni global muloqot maydoni sifatida yanada mashhur qilgan.

Davos arxitekturasida ham an’ana va zamonaviylik uyg‘unligi namoyon bo‘ladi. Qadimiy tog‘ qishloqlariga xos uylar zamonaviy mehmonxonalar va kongress markazlari bilan yonma-yon qad rostlagan. Qishki sport inshootlari, chang‘i yo‘laklari va dam olish maskanlari shaharning sayyohlik salohiyatini yanada oshiradi.

Тинчлик, тартиб-интизом ва юқори хизмат сифати Давосни нафақат дам олиш, балки халқаро тадбирлар ўтказиш учун ҳам энг мақбул шаҳарлардан бирига айлантирган. Табиат ва цивилизация уйғунлашган бу маскан ҳар бир ташриф буюрувчида унутилмас таассурот қолдиради.

Foto: Xasan Paydoyev / «Xalq so‘zi»