Adliya vazirligi huzuridagi “Oʻzarxiv” agentligi ISO 9001:2015 sifat standarti boʻyicha xalqaro sertifikat va korrupsiyaga qarshi kurash boʻyicha ISO 37001:2016 xalqaro sertifikatlarini oldi.

Ushbu sertifikatlar agentlik faoliyatining barcha yoʻnalishlarini qamrab oladi. ISO 9001:2015 sifat boshqaruvi tizimi boʻyicha ish faoliyati jarayonlari va ularning natijasini baholash mezonlari ishlab chiqildi.

Unga koʻra, har yarim yillik yakuni boʻyicha vazirlik ish faoliyati jarayonlari va ularning natijalari oldindan belgilangan mezonlarga koʻra baholab boriladi. ISO 37001:2016 xalqaro standart sertifikati korrupsiya holatlarining oldini olish, aniqlash, zarur choralarni koʻrish hamda korrupsiya xavfini kamaytirishga yoʻnaltirilgan maqbul va aniq mezonli chora-tadbirlarni nazarda tutadi.

“Oʻzarxiv” agentligi boshqaruv faoliyatiga ISO 9001:2015 hamda ISO 37001:2016 xalqaro standartlarini joriy etish boʻyicha siyosat ishlab chiqilib, amaliyotga tatbiq etildi.

“Oʻzarxiv” agentligi boshqaruv faoliyatiga “ISO 9001:2015 va ISO 37001:2016 xalqaro standartlari boʻyicha boshqaruv tizimini ishlab chiqish” yuzasidan 2022-yil 22-25-noyabr kunlari oʻqitish kursi tashkil etilib, ushbu kursda 21 nafar tinglovchi ishtirok etib, oʻqish yakunida test sinovlaridan muvaffaqiyatli oʻtgan xodimlarga tegishli sertifikatlar topshirildi.

“Oʻzarxiv” agentligining Arxiv ishi sohasi boshqaruvi – xalqaro standartlar talablariga muvofiq deb topildi.

9-iyun - Xalqaro arxivlar kuni ushbu sertifikatlar “Oʻzarxiv” agentligi direktori Ulugʻbek Yusupovga “CERT International” masuʼllari tomonidan tantanali ravishda topshirildi.

Bu boradagi kompleks ishlar hali davom etmoqda. Har yili mazkur sertifikatga muvofiqlik darajasi xalqaro tashkilotlar tomonidan audit qilib boriladi.

Adliya vazirligi huzuridagi “Oʻzarxiv” agentlinining korrupsiyaga qarshi siyosatida nazarda tutilgan chora-tadbirlarni toʻliq amalga oshirish orqali arxiv muassasalarini korrupsiyasiz sohaga aylantirish ustuvor vazifalardandir.