Orenburgda 10 327 ta, Orskda esa 6995 ta turar-joy binosi suv ostida qoldi

13:00 09 Aprel 2024 Dunyo
375 0

Rossiyaning Orenburg viloyatida 10 327 ta turar-joy binosi va 12 821 ta xoʻjalik uchastkasi suv ostida qolgan. Bu haqda viloyat maʼmuriyati xabar bermoqda.

«Orenburg viloyatida toshqin bilan bogʻliq keskin vaziyat saqlanib qolmoqda. 9-aprel kuni Moskva vaqti bilan soat 6:00 holatiga koʻra, 27 ta munitsipalitet hududidagi 73 ta aholi punkti va 29 ta bogʻ nodavlat shirkatidagi 10 327 ta turar-joy binolari va 12 821 ta xoʻjalik uchastkalari suv ostida qolgan», — deyiladi xabarda.

Rasmiylarga koʻra, yaqin kunlarda Ural va Samara daryolarida suv sathining yana besh santimetrdan qirq santimetrga koʻtarilishi kutilmoqda. Orenburgning bir qancha tumanlari Janubiy Ural, Kuznechniy, Sitsovka, Vesenniy, Perovskiy, Forshtadt, Zauralnaya Roshcha, Ovchinniy Gorodok, Dubki, Nejinka, Stepanovskiy, Gorniy aholi punktlari va Ural daryosi tekisligidagi yozgi uylar suv toshqini ostida qolishi mumkin.

Orenburg viloyati gubernatori va maʼmuriyati matbuot xizmatining qoʻshimcha qilishicha, Orskda Ural daryosida suv sathining pasayishi kuzatilmoqda. U 35 см.га tushgan.

«Orskda shaxsiy tomorqaga ega 6995 ta turar-joy binosi suv ostida qolgan. Suv bosgan uylardan 2493 kishi, jumladan, 797 nafar bola evakuatsiya qilindi. Shaharda 12 mingdan ortiq oʻringa ega 16 ta vaqtinchalik joylashtirish markazlari ishga tushirildi, ularda 1463 kishi, shu jumladan 240 nafar bolalar joylashadi», deyiladi rasmiy xabarda.

Janubiy Ural hududlari bu yil misli koʻrilmagan toshqinlarga duch keldi. Eng qiyin vaziyat Orenburg viloyatida. 5-aprel, juma kuni Orsk shahrini Ural daryosidan himoya toʻgʻoni buzildi. Rasmiylar Eski shahar aholisini ommaviy evakuatsiya qilishni amalga oshirdi. Viloyatda federal miqyosda favqulodda holat joriy etildi, voqea joyiga Favqulodda vaziyatlar vazirligi rahbari Aleksandr Kurenkov yetib keldi.

Kun davomida suv toshqini zonasida 3,9 mingga yaqin turar-joy binolari va 8,7 ming tomorqa yerlari boʻlgan.

Mintaqa maʼmuriyati toshqindan koʻrilgan zararni 21 milliard rublga baholamoqda.

Orsk meriyasining «RIA Novosti» agentligiga maʼlum qilishicha, suv bosgan shaharda toʻrt kishi halok boʻlgan, biroq ularning oʻlimi suv toshqini bilan bogʻliq vaziyat bilan bogʻliq emas.

Kurgan viloyatida mintaqaviy darajadagi favqulodda holat rejimi amal qiladi. Rosgidromet va Qozogʻiston gidrometlarning prognozlariga koʻra, Tobol daryosidagi suv sathi 11 metrdan oshadi. Rasmiylar aholini evakuatsiya qilishga chaqirdi. Favqulodda vaziyatlar vazirligi viloyat boshqarmasi prognoziga koʻra, suv toshqini zonasida 62 ta aholi punkti, 4300 ta uy, 5550 ta tomorqa va 600 ta yozgi uy boʻlishi mumkin. Gubernatorning aniqlik kiritishicha, Kurgan tahdid ostida.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер