OAV: Trampga Eronga zarba berish boʻyicha kengaytirilgan variantlar roʻyxati taqdim etildi
AQSH prezidenti Donald Tramp Eronga nisbatan bir nechta harbiy ssenariylarni koʻrib chiqmoqda. Ular qatorida reydlar oʻtkazish va maxsus boʻlinmalar operatsiyalari ham bor. Shu bilan birga, u diplomatik yechim va muzokaralar imkoniyatiga ham ochiq qolmoqda. Bu haqda The New York Times xabar berdi.
Maʼlum qilinishicha, Pentagon AQSH rahbariga Eronga qarshi ehtimoliy zarbalar boʻyicha kengaytirilgan variantlar roʻyxatini taqdim etgan.
Jumladan, Tramp AQSH qoʻshinlari tomonidan Eron hududida reydlar oʻtkazish, shuningdek, yadroviy va raketa obyektlariga yanada katta zarar yetkazish imkoniyatini koʻrib chiqmoqda. Eng xatarli variantlardan biri sifatida AQSH maxsus boʻlinmalarini yashirin tarzda yuborib, 2025-yil iyun oyidagi amerikaliklar zarbalari paytida zarar koʻrmagan Eron yadroviy dasturi obyektlarini yoʻq qilish yoki ishdan chiqarish rejasi qayd etilmoqda.
Bundan tashqari, Eron rahbariyati bilan bevosita bogʻliq boʻlgan obyektlarga bir qator zarbalar berish orqali mamlakatda beqarorlik, tartibsizlik va hokimiyat almashuvi uchun sharoit yaratish varianti ham muhokama qilinmoqda.
The New York Times yozishicha, AQSH prezidenti hozircha Pentagon tomonidan taklif etilgan harbiy harakat variantlaridan birortasini ham tanlamagan. U diplomatik yoʻl bilan hal etish imkoniyatini saqlab qolmoqda.
Tavsiya etamiz
Ko‘p o‘qilganlar
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Alisher Navoiy – ilm va maʼno ehtiyoji manbai
- Bedilni xalqqa tanitgan xattot
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Oʻzlikni anglash sari muhim qadam: “Milliy qadriyatlar atlasi” kitob-albomi taqdimot qilindi (+video)
- Milliy naqshlarda oʻzligimiz namoyon
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring