Niderlandiya Ukrainaga YIga aʼzo boʻlishda Vengriyani chetlab oʻtish yoʻliga qarshi chiqdi
Niderlandiya bosh vaziri Dik Sxoof Ukraina va Moldovaning Yevropa Ittifoqiga qoʻshilishi masalasida bir ovozdan qabul qilinadigan qarorlarni chetlab oʻtishga qarshi ekanini maʼlum qildi. Bu haqda RBK xabar berdi.
Maʼlumotlarga koʻra, Sxoof YI Kengashi raisi Antoniu Koshta taklif qilgan Ukraina bilan aʼzolik muzokaralarini tezlashtirish maqsadida bir ovozdan qaror qabul qilish prinsipini bekor qilib, “malakali koʻpchilik ovozi” qoidasini joriy etish gʻoyasini qoʻllab-quvvatlamadi.
“Ukraina va Moldovaning kelajagi — Yevropa Ittifoqida. Biroq qoidalarni oʻzgartirish bizga toʻgʻri yoʻl emas”, — dedi Sxoof.
Uning taʼkidlashicha, yevrointegratsiya — uzoq va chuqur islohotlarni talab qiladigan jarayon.
“Vengriyaning blokirovkasi juda noxush holat, bu jarayonga boʻlgan ishonchni susaytiradi. Yechim topish kerak, ammo bu yechim bir ovozdan qabul qilinadigan qarorlarni chetlab oʻtishdan iborat boʻlmasligi shart”, — dedi u.
Shuningdek, Sxoofning soʻzlariga koʻra, agar YI Ukraina va Moldova uchun qoidalarni yengillashtirsa, kelgusida ittifoqqa kirishni istagan boshqa davlatlarga ham shu yoʻldan borishga toʻgʻri keladi.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Roʻziqul Berdiyevning matbuot anjumanidagi fikrlari yuzasidan surishtiruv oʻtkaziladi
- Oʻzbekistonda Kasbiy taʼlim agentligi tashkil etiladi
- Oʻzbekistonning yangi trayektoriyasi: Asosiy xorijiy transferlar xaritasi
- Oʻz xalqini Siz kabi chin dildan sevadigan davlat rahbarini uchratmadim – “ACWA Power” kompaniyasi boshqaruvi raisi Muhammad Abunayyan
- Oʻzbekiston tasviriy sanʼat galereyasida Samarqand maktabining yangi nafasi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring