Temur ESHBOYEV/“Xalq soʻzi”. Navoiy viloyati bojxona boshqarmasi, Bosh prokuratura huzuridagi Majburiy ijro byurosi Navoiy viloyati boʻlimi hamda Navoiy viloyati ekologiya va atrof-muhitni muhofaza qilish boshqarmasining masʼul xodimlari tomonidan chetdan noqonuniy olib kirilgan, huquqbuzarlardan olib qoʻyilgan tamaki mahsulotlari va tibbiyot vositalari sud qaroriga asosan yoqib yuborish yoʻli bilan yoʻq qilindi.

Mazkur tovar-moddiy boyliklar viloyat huquq-tartibot idoralari tomonidan tezkor tadbirlar davomida noqonuniy faoliyat sabab olingan boʻlib, 13 600 quti tamaki mahsulotlari, 30 dona elektron sigaretlar, 126 million soʻmlik tibbiy vositalari hamda 1 200 000 000 soʻmlik soxta pullardan iborat. Ular sud qaroriga asosan, tegishli tartibda yondirish yoʻli bilan yoʻq qilindi. Mazkur tadbirlar bevosita OAV vakillari va keng jamoatchilik ishtirokida amalga oshirilmoqda.