Namanganda “Yashil makon rezidensiya” majmuasi qurilishi boshlandi
![](https://xs.uz/upload/post/2024/08/22/6fd928792f4e0b7338f2e0a4de075a2a0822.jpg)
Qudratilla Najmiddinov/“Xalq soʻzi”. Davlatobod tumanida tezkorlik bilan barpo etilayotgan “Yangi Namangan” shaharchasi sohadagi yirik loyihalardan biridir. Dastlabki bosqichi amalga oshirilgan bu hududda endilikda “Yashil makon rezidensiyasi” turar-joy majmuasini tiklashga kirishildi. Kuni kecha ushbu majmuaning sotuv ofisi ish boshlashi munosabati bilan tantanali marosim tashkil etildi.
— Xalqaro andozalar darajasida bunyod qilinadigan majmuaning umumiy loyiha qiymati 363 milliard soʻmga teng boʻlib, qurilish ishlari “Castle Town” masʼuliyati cheklangan jamiyati bosh pudratchiligida amalga oshirilmoqda, — deydi tuman hokimi oʻrinbosari Sardor Rahimov. — Ayni paytda binokorlikka ixtisoslashgan tadbirkorlik subyektlari tomonidan 9, 12, 21-qavatli turar-joy obyektlari, mehmonxona va restoranlar, Xitoyning “BYD“ kompaniyasida ishlab chiqarilgan avtomobillar sotuv ofisi hamda savdo va xizmat koʻrsatuvi inshootlarni tiklash ishlari boshlangan.
Maʼlumot uchun, loyiha yakuni bilan bu yerda koʻp qavatli binolarning oʻzida 702 ta shinam xonadonlar qurish rejalashtirilgan. Yangi majmuani oʻz nomiga munosib, yaʼni, yuksak ekologik talablar darajasida barpo etishga alohida eʼtibor qaratiladi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring