Ijtimoiy tarmoqlarda “Yamal” aviakompaniyasining Moskva — Namangan — Moskva yoʻnalishi boʻyicha LLM9205/9206 aviaqatnovi bekor qilingani haqida maʼlumotlar tarqaldi.

Shu munosabat bilan quyidagilar maʼlum qilindi. Joriy yilning 13-oktyabr kuni Rossiyaning Yamal aviakompaniyasining bortida 220 yoʻlovchi boʻlgan havo kemasi Moskva vaqti bilan soat 15:40 da Domodedovo aeroportidan Namanganga uchishi rejalashtirilgan edi. 

Aviakompaniya ushbu aviaqatnovni amalga oshirish uchun nazorat qiluvchi organ – “Oʻzaviatsiya” agentligi tomonidan tegishli tegishli ruxsat olmaganligi bois, ushbu charter aviaqatnovi amalga oshirilmadi.

Namangan xalqaro aeroporti ushbu aviaqatnovni bekor qilinishiga hech qanday aloqasi yoʻq. Aeroport xodimlari Toshkent vaqti bilan soat 23:00 da Namangandan Moskvaga qaytish kerak boʻlgan aviaqatnov yoʻlovchilariga vaziyat boʻyicha atroflicha maʼlumot taqdim etdi.