Uchrashuvda 2024-yilda boʻladigan Parij Olimpiadasiga tayyorgarlik koʻrish masalasiga toʻxtalib oʻtildi.  yana-da muhim ahamiyatga egadir.

— Boʻlgʻusi Olimpiada oldidan futbol, basketbol, gandbol, chim ustida xokkey, regbi, voleybol singari jamoaviy sport turlari boʻyicha ham yoʻllanmalarni qoʻlga kiritish asosiy maqsadimiz boʻlishi zarur — dedi davlatimiz rahbari. 

Shu munosabat bilan quyidagi masalalarga alohida eʼtibor qaratish lozim.

Birinchidan, mamlakatimiz sport delegatsiyasining Tokio Olimpiadasidagi ishtirokini har tomonlama chuqur tahlil etib, yoʻl qoʻyilgan xato va kamchiliklarni sarhisob qilishimiz kerak.

Shu maqsadda sport menejmenti boʻyicha nufuzli xalqaro kompaniyalardan birini jalb etgan holda, mamlakatimizda ushbu sohada boshqaruv tizimining har bir boʻgʻinini auditdan oʻtkazish maqsadga muvofiq.

Shu bois Milliy olimpiya qoʻmitasi va Milliy paralimpiya qoʻmitasi bilan birgalikda joriy yil yakuniga qadar audit natijalariga asosan jismoniy tarbiya va sportni hamda sport federatsiyalari boshqaruv tizimini yana-da takomillashtirish yuzasidan takliflar ishlab chiqish vazifasi qoʻyildi.

Kelgusi Olimpiya oʻyinlariga har tomonlama tayyorgarlikni shu bugundan boshlashimiz kerakli taʼkidlandi. Aniq maqsad qoʻyib, astoydil harakat qilsak, albatta natijaga erishimiz aytildi.

Misol uchun, Parijda boʻlib oʻtadigan navbatdagi yozgi Olimpiadaga 100 dan ziyod litsenziyani qoʻlga kiritish va medallar boʻyicha yetakchi 15 ta mamlakat qatoridan joy olish uchun hamma imkoniyatlarimiz bor.

Shu bilan birga, barcha shahar va tumanlarda tegishli sport turlarini rivojlantirish va zarur sharoitlar yaratish choralarini koʻrish bugungi kun talabidir.