Foto: Xalq so‘zi

Mamlakatimizda bugungi modernizatsiya jarayonlari, islohot va oʻzgarishlar natijadorligi maktab taʼlimiga, yangi avlod kadrlarini yetishtirishga chambarchas bogʻliq. Shunga koʻra maktablar faoliyatini bugungi kun talablari asosida tashkil etish ishlariga ustuvor eʼtibor qaratilmoqda. Bu jarayonga oliy taʼlim muassasalarining ham jalb etilayotgani bejiz emas. Chunki uzluksiz taʼlimning bu ikki boʻgʻini bir-birini toʻldiradi va rivojlantiradi.

Samarqand xalqaro texnologiya universiteti jamoasi ham viloyatdagi umumtaʼlim maktablarida taʼlim-tarbiya jarayonini yanada takomillashtirish va sifatini oshirish maqsadida oʻquvchi-yoshlarning oʻz isteʼdodini toʻliq namoyon etishlariga har tomonlama koʻmaklashmoqda.

Xususan, 2015-yili Samarqand shahrida ilk bor xususiy maktab sifatida tashkil etilgan “Istiqbolli taʼlim” nodavlat taʼlim muassasasi bilan Samarqand xalqaro texnologiya universiteti oʻrtasida oʻzaro hamkorlik memorandumi imzolandi.

Hamkorlik doirasida maktab oʻquvchilariga taʼlim-tarbiya berish va oʻqituvchilarning malakaviy darajalarini oshirishda universitet professor-oʻqituvchilari yaqindan yordam beradi, matematika, kimyo, fizika va boshqa tabiiy fanlardan qoʻshimcha mashgʻulotlar oʻtkazib boriladi.

Abdulaziz Yoʻldoshev, “Xalq soʻzi”.