Xitoy yetakchisi Oʻzbekiston Prezidentini Navroʻz bilan tabrikladi
Oʻzbekiston Respublikasi Prezidenti
Shavkat Mirziyoyev Janobi Oliylariga
Hurmatli Prezident janoblari!
Oʻzbekistonning milliy bayrami – Navroʻz ayyomi bilan Xitoy hukumati va xalqi hamda shaxsan oʻz nomimdan Sizni va Oʻzbekiston xalqini chin qalbimdan muborakbod etishdan gʻoyat mamnunman.
Oʻtgan yili sentyabr oyida Oʻzbekistonga amalga oshirgan davlat tashrifim chogʻida boʻlib oʻtgan doʻstona va sermahsul muzokaralarimiz natijasi oʻlaroq mamlakatlarimizning strategik hamkorligini yanada rivojlantiruvchi, xalqlarimiz manfaatiga xizmat qiluvchi qoʻshma bayonot qabul qildik, davlatlarimiz oʻrtasidagi hamkorlik aloqalarini kengaytirish istiqbollarini belgilab oldik.
Men Xitoy – Oʻzbekiston munosabatlarini rivojlantirishga katta eʼtibor qarataman. Sizning joriy yil may oyiga rejalashtirilgan ilk “Xitoy – Markaziy Osiyo” sammitida ishtirok etishingizni va Xitoyga davlat tashrifingizni kutib qolaman.
Siz bilan birgalikda Xitoy – Markaziy Osiyo munosabatlari istiqbollari hamda mamlakatlarimizning ikki tomonlama hamkorligiga oid katta rejalarini muhokama etishimiz Oʻzbekiston-Xitoy hamkorligini yanada yuqori darajaga koʻtarishiga ishonchim komil.
Fursatdan foydalanib, Siz Janobi Oliylariga mustahkam sogʻlik-salomatlik, masʼuliyatli faoliyatingizda ulkan zafarlar tilayman.
Doʻst Oʻzbekiston xalqiga baxt va farovonlik hamisha yor boʻlsin!
Ehtirom ila,
Si Szinpin,
Xitoy Xalq Respublikasi Raisi
Tavsiya etamiz
Ko‘p o‘qilganlar
- Shavkat Mirziyoyev aholi bandligini taʼminlash va kambagʻallikni qisqartirishga oid muhim qarorni imzoladi
- Oʻzbekistonda 2025-yil 1-apreldan elektr energiyasi va gaz narxlari oshiriladi
- “Eng yaxshi maqolalar” tanlovi gʻoliblari aniqlandi
- Harbiy xizmatni oʻtash bilan bogʻliq tartiblar yangilanadi
- Voyaga yetmaganlar o‘rtasida huquqbuzarliklar profilaktikasi tizimi takomillashtirilmoqda
- Namanganda 3 ta yirik institut bitta universitetga birlashtiriladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring