Kecha, 16-oktyabr kuni Saudiya Arabistonining Ar-Riyod shahrida OFK tomonidan 2025-yilning eng yaxshilarini taqdirlash marosimi boʻlib oʻtdi.

Unda turli nominatsiyalar boʻyicha gʻoliblar aniqlandi. Quyida ular bilan tanishishingiz mumkin:

• Salar Agapur (Eron) — yilning eng yaxshi futzalchisi
• Ri Song-Xo (Shimoliy Koreya) — yilning eng yaxshi murabbiyi
• Marziye Jafari (Eron) — yilning eng yaxshi ayol murabbiyi
• Li Kan In (“PSJ“, Janubiy Koreya) — yilning xorijdagi eng yaxshi osiyolik futbolchisi
• Chxve Il Son (Shimoliy Koreya) — yilning eng yaxshi yosh ayol futbolchisi
• Aleks Badolato (“Nyukasl Jets“, Avstraliya) — yilning eng yaxshi yosh futbolchisi
• Xana Takaxasi (“Urava Red Ladis“, Yaponiya) — yilning eng yaxshi ayol futbolchisi
• Salim Al-Davsari (“Al Hilol“, Saudiya Arabistoni) — yilning eng yaxshi futbolchisi

Shuningdek, Bangladesh, Tailand, Saudiya Arabistoni, BAA va Malayziya futbol federatsiyalari turli nominatsiyalar boʻyicha gʻoliblikni qoʻlga kiritdi.

Maʼlumot uchun, yilning eng yaxshi yosh futbolchisi nominatsiyasi uchun oʻzbekistonlik futbolchi Sadriddin Hasanovning ham nomzodi ilgari surilgan edi.