Foto: Xalq so‘zi

Samarqand shahrida ikki kun davom etgan “Inson huquqlari sohasidagi taʼlim” global forumi doirasida “Inson huquqlari himoyasi uchun” koʻkrak nishoni sovrindorlarini taqdirlash marosimi boʻlib oʻtdi.

“Inson huquqlari himoyasi uchun” koʻkrak nishoni Oʻzbekiston Respublikasi Prezidentining tashabbusi bilan 2020-yilda taʼsis etilgan. Bundan maqsad inson huquqlari va erkinliklarini himoya qilish sohasida salmoqli hissa qoʻshgan fuqarolar va tashkilotlarni moddiy-maʼnaviy ragʻbatlantirish, bu borada namuna koʻrsatayotgan faollarning tajribasini ommalashtirishdan iborat.

“Inson huquqlari himoyasi uchun» koʻkrak nishoni bilan chet el fuqarolari va fuqaroligi boʻlmagan shaxslar, shuningdek, inson huquqlarini himoya qilish sohasida faoliyat olib borayotgan tashkilotlar ham taqdirlanishi mumkin.

Joriy yilda ushbu mukofotga 6 nafar hamyurtimiz, 2 nafar chet el fuqarosi va 2 nodavlat notijorat tashkiloti sazovor boʻldi.

Mukofot egalariga “Inson huquqlari himoyasi uchun” koʻkrak nishonini Inson huquqlari boʻyicha Milliy markaz direktori Akmal Saidov topshirdi.

Abdulaziz Yoʻldoshev, “Xalq soʻzi”.