Oʻzbekiston hududiga hafta oʻrtasida nisbatan salqin havo kirib keladi va yogʻingarchilik kuzatiladi. Bu haqda “Oʻzgidromet” xabar bermoqda.

Maʼlum qilinishicha, 26-27-avgust kunlari Oʻzbekiston boʻyicha quruq va iliq ob-havo saqlanib turadi. Hududning katta qismida havo harorati 32-35 daraja atrofida, janubda 36-38 darajagacha boʻladi.

Biroq chorshanba va payshanba kunlari havo harorati kunduz kunlari 27-30 daraja atrofida, janubda 35 darajagacha boʻladi. Kechasi va erta tongda harorat 17-20 darajagacha pasayishi kutilmoqda.

Juma kunidan boshlab harorat asta-sekin koʻtariladi, haroratning ushbu koʻtarilishi dam olish kunlarida ham davom etadi. Kunduz kungi harorat yana 30-35 darajagacha koʻtariladi.

28-avgust, chorshanba kuni Toshkent, Jizzax, Sirdaryo viloyatlarining ayrim joylarida qisqa muddatli yomgʻir yogʻishi mumkin. 28-29-avgust kunlari Fargʻona vodiysi viloyatlarida, shuningdek, respublikaning togʻoldi va togʻli hududlarida momaqaldiroqli qisqa muddatli yomgʻir yogʻishi mumkin.

Sharqiy yoʻnalishdagi shamol, gʻarbdan 9-14 metr/sekund tezlikda esadi, 28-avgustda baʼzi joylarda 15-20 metr/sekundgacha kuchayishi, ayrim joylarda chang-toʻzon bilan kuzatilishi mumkin.

Toshkentda asosan yogʻingarchiliksiz ob-havo boʻlishi kutilmoqda, faqat 28-avgustda bir oz qisqa muddatli yomgʻir yogʻishi, momaqaldiroq boʻlishi mumkin, shamol tezligi 10-12 metr/sekundgacha kuchayishi mumkin. Harorat asosan kechalari 15-20 daraja, kunduz kunlari 26-27-avgustda 30-33 daraja, 28-29-avgustda 27-30 daraja boʻladi.