Foto: Халқ сўзи

Shu yilning 8–13-noyabr kunlari Fargʻona viloyatida Oʻzbekistonda ilk bor “Ahmad al-Fargʻoniy” nomidagi xalqaro fizika olimpiadasi boʻlib oʻtadi.

Unda dunyoning 18 davlatidan 140 nafardan ziyod 15-17 yoshli oʻquvchilar ishtirok etadi. Olimpiada bahslarida 6 ta davlat - Qirgʻiziston, Ummon, Qozogʻiston, Tojikiston, Rossiya, Oʻzbekiston kabi davlatlar vakillari oflayn, qolgan mamlakatlar oʻquvchi yoshlari esa onlayn tarzda qatnashadi.

Bugun tadbir qatnshachilari Fargʻona shahrida ulugʻ ajdodimiz Ahmad al- Fargʻoniyga oʻrnatilgan haykal poyiga gul qoʻygach, Islom Karimov nomidagi viloyat Teatr-konsert saroyida olimpiadaning tantanali ochilish marosimi oʻtkazildi.

Olimpiada – bu intellektual musobaqa, kuch va bilimni sinash imkoniyati,-dedi tadbirda soʻzga chiqqan Oʻzbekiston Respublikasi xalq taʼlim vaziri Sherzod Shermatov. - Unda eng bilimli va iqtidorlilar yoshlar saralanadi. Xalqaro fizika olimpiadasi Ahmad al-Fargʻoniy nomi bilan bogʻlanishi bejiz emas. Musobaqani oʻtkazish uchun Markaziy Osiyo davlatlari orasida birinchi boʻlib Fargʻona viloyati tanlangani naqadar quvonarlidir.

Botir Madiyorov, “Xalq soʻzi”.