“Hududiy elektr tarmoqlari” ijtimoiy tarmoqlarda elektr energiyasidan asossiz tarzda qarzdorlik vujudga kelayotgani toʻgʻrisida tarqalgan xabarlarga munosabat bildirdi.

Tarmoqlarda ayrim isteʼmolchilarda shunday holatlar kuzatilib, tuman elektr tarmoqlariga borib aniqlik kiritilganda, oʻtgan yillar mobaynida qolib ketgan qarzdorlik sifatida tushuntirilgani toʻgʻrisida videoxabarlar tarqalgan.

“Avgust oyidan HET Billing dasturiy kompleksi tashkil etildi. Shu jarayonda eski tizimdan isteʼmolchilarning arxiv maʼlumotlarini yangi tizimga oʻtkazishda ayrim isteʼmolchilar shaxsiy hisobida noaniqliklar kelib chiqmoqda. Bunday noaniqliklarni kelib chiqqan hududlarda qoʻshimcha mutaxassislar ajratilgan holda masalaga oydinlik kiritish ishlari olib borilmoqda”, deydi “Hududiy elektr tarmoqlari” mazkur holatga izoh berib.

“Hududiy elektr tarmoqlari” holat yuzasidan qoʻshimcha axborot berilishini maʼlum qiladi.