Bekobod shahar IIB binosiga olib borilgan fuqaro vafot etgani yuzasidan qoʻshimcha maʼlumot berildi
Avvalroq Jinoyat ishlari boʻyicha Bekobod shahar sudida jamoat tartibini buzgan aka-uka IIBga olib ketilgani va u yerda fuqarolardan birining sogʻligʻi yomonlashib, shifoxonada vafot etgani haqida xabar bergan edik.
Ichki ishlar vazirligi matbuot kotibi Shohruh Gʻiyosov mazkur holat boʻyicha qoʻshimcha maʼlumot berdi.
Bildirilishicha, hozirda voqea sodir boʻlgan joylarda mavjud boʻlgan barcha videoyozuvlar olingan boʻlib, guvohlar hamda voqea ishtirokchilarning koʻrsatmalari tekshirilmoqda, tegishli sudga oid ekspertizalar tayinlangan.
Shuningdek, Gʻiyosov Ichki ishlar organlari bilan bogʻliq holatda odam vafot etishi, yuzaga kelgan vaziyatdan qatʼiy nazar favqulodda holat sifatida koʻriladi va voqeaning barcha ishtirokchilarini, shu jumladan har bir xodimning harakatlari sinchkovlik bilan, toʻliq va xolisona oʻrganilishi taʼminlanishini qoʻshimcha qilingan.
«Shu oʻrinda, Ichki ishlar vazirligi va shaxsiy tarkibi nomidan vafot etgan fuqaroning yaqinlariga chuqur taʼziya bildirishimizni maʼlum qilamiz», deyiladi IIV matbuot kotibi xabarida.
Tavsiya etamiz
Ko‘p o‘qilganlar
- Saudiya Arabistonida “Oʻzbekiston madaniyati kunlari” davom etmoqda
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Markaziy Osiyo pedagoglari Nukusda jam boʻldi
- Samarqandda YUNESKOning 43-sessiyasiga tayyorgarlik avjida
- Hududlarda 34 ta yuqori texnologiyali sanoat loyihalari amalga oshiriladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring