Illyustrativ foto

AQSH Xitoyning Tayvanga qurol yetkazib berishga yoʻl qoʻyilmaslik haqidagi pozitsiyasini hisobga olmaydi.

AQSH Xitoy rasmiylarining Tayvanga qurol yetkazib berishga yoʻl qoʻyilmaslik haqidagi bayonotini inobatga olmaydi. 

Pekinning bu boradagi pozitsiyasini inobatga olishdan bosh tortishi haqida AQSH davlat kotibi Entoni Blinken AQSH Senati qoʻmitasidagi eshituvda maʼlum qildi.

Qayd etilishicha, diplomatga “Xitoy Tayvanga harbiy yordam joʻnatishda qizil chiziqlarga ishora qilganmi?”, degan savol berilgan.

“Yoʻq, agar ular qachondir shunday demoqchi boʻlishsa, biz buni, albatta, hisobga olmaymiz”, deya javob bergan Blinken.

Avvalroq, Tayvan qurolli kuchlari harbiy samolyotlar va suv osti kemalariga qarshi harbiy mashgʻulotlarni boshlagani maʼlum boʻlgan edi. Manbaga koʻra, manevrlar 23-martga qadar davom etadi.

Mashgʻulotlarda “F-16V” va “Mirage-2000 5s” qiruvchi samolyotlari, shuningdek, tovush tezligidan tez harakat qiluvchi “Indigenous Defence Fighters” (IDF) harbiy oʻchoqlari, suv osti kemalariga qarshi “P-3C” patrul samolyotlari, shuningdek, suv osti kemalari qarshi “S-70C” vertolyotlari va dronlar ishtirok etmoqda.

Shu munosabat bilan Xualen aviabazasida seminar boʻlib oʻtadi. Unda instruktorlar “F-16V” va “Mirage-2000 5s”, “Indigenous Defence Fighters” (IDF)da havo jangi boʻyicha mashgʻulotlar oʻtadi.

Qayd etilishicha, Tayvan armiyasi boʻgʻozda keskinlik kuchayishi fonida harbiy mashgʻulotlar boshlagan. Gap shundaki, Xitoy aviatsiyasi muntazam ravishda orolning havo hujumidan mudofaa tizimlarini tan olish zonasiga kirib boradi.

Xususan, shu yilning 18-mart kuni Tayvan orolga tutash hududda Xitoy Xalq Ozodlik Armiyasining 20 dan ortiq samolyoti va toʻrtta kemasini payqagan. Shu bilan birga, 15 ta samolyot Tayvan boʻgʻozining oʻrta chizigʻini kesib oʻtgan.

Avvalroq, Xitoy Xalq Respublikasi raisi Si Szinpin Xitoy Tayvan bilan birlashish jarayonini izchil olgʻa siljitish niyatida ekanini aytgan edi.