Foto: Illustrativ foto

6-sinf oʻquvchisi darsga kechikib kirgan va oʻqituvchiga qoʻpol muomalada boʻlgan. Oʻqituvchi esa uni 2 litr ariq suvi ichirib, nok bargini yeyishga majburlagan.

“Oʻsha kun maktabda navbatchi sifatida eshik tagida oʻtirgandim. U oʻquvchi 2-soat oxiriga kech qolib keldi. Sababi soʻralganda gap qaytardi. Oʻzimning qarindoshim ekani sababli unga oʻzingni bos degan maqsadda 100 gramm yoki bir piyolacha suv ichirganman. Bu yerdagi boshqa gaplar qayerdan kelyapti, buni bilmayman. Nok daraxti bor, lekin bunaqa narsa qilinmagan”,— degan oʻqituvchi.

Qayd etilishicha, darsga kechikkan oʻquvchi va uni jazolagan domla oʻzaro qarindosh boʻlgan. Voqeaga jabrlanuvchining sinfdoshlari ham guvoh boʻlgan.

“Kechirim soʻrattirib, doktorga olib boramiz dedi. Oʻzi olib ketdi shifoxonaga. U yerda shifokorlar hech qanday muolaja shartmasligini, yaxshi boʻlib ketishimni aytdi”, — deydi jabrlangan oʻquvchi.