Foto: Toshkent shahar IIBB

Joriy yilning 8 va 9-noyabr kunlari poytaxtimizda Iqtisodiy hamkorlik tashkilotining 16-sammiti oʻtkazilishi munosabati bilan Toshkent shahriga yuk tashuvchi transport vositalarining kirishi qisman cheklanadi. Bu haqda Toshkent shahar Ichki ishlar bosh boshqarmasi tomonidan maʼlum qilindi.

"Shu kunlarda Toshkent shahridagi yuk tashuvchi transport vositalarining shahar markazida harakatlanishi toʻliq toʻxtatiladi.

Hurmatli yurtdoshlar, sammit doirasida belgilanadigan vaqtinchalik cheklovlar sababli Vodiydan Vohaga hamda Vohadan Vodiyga harakatlanish 4P-12 avtomagistral yoʻli orqali amalga oshirilishini maʼlum qilamiz.

Bundan tashqari, 8-noyabrdan 10-noyabrgacha Toshkent shahrining ayrim koʻchalarida harakatlanish cheklanadi. Jumladan,

1. Islom Karimov nomidagi aeroport maydonidan Bobur koʻchasi boʻylab Bobur — Shota Rustaveli chorrahasigacha;

2. Nukus — Bobur chorrahasidan Nukus koʻchasi boʻylab Movarounnahr koʻchasigacha;

3. Oybek — Turkiston chorrahasidan Oybek, Afrosiyob va Olmazor koʻchalari;

4. Islom Karimov — Bunyodkor chorrahasidan Islom Karimov koʻchasi boʻylab Amir Temur — Islom Karimov chorrahasigacha;

5. Sharof Rashidov — Afrosiyob chorrahasidan Sharof Rashidov koʻchasi boʻylab Kichik halqa aylanma yoʻligacha;

6. Navoiy — Mustaqillik chorrahasidan Navoiy — Labzak chorrahasigacha;

7. Furqat — Beshyogʻoch chorrahasidan Beshyogʻoch koʻchasi boʻylab Islom Karimov — Beshyogʻoch chorrahasigacha;

8. Olmazor — Islom Karimov chorrahasidan Olmazor koʻchasi boʻylab Navoiy koʻchasigacha.

Eslatib oʻtamiz, harakatlanish cheklangan koʻchalarda Tez-tibbiy yordam, favqulodda vaziyatlar boʻlinmalari transport vositalariga istisno tariqasida harakatlanish uchun ruxsat beriladi.

Hurmatli haydovchilar, shu kunlardan yoʻllarda tirbandliklarni oldini olish maqsadida aylanma yoʻllardan foydalanishni tavsiya qilamiz.

Sizlardan, yuzaga keladigan vaqtinchalik noqulayliklar uchun uzr soʻraymiz!", soʻraymiz deyiladi boshqarma xabarida.