Jazirama harorat tufayli Hindistonda ikki kun ichida 34 kishi hayotdan koʻz yumdi
Illyustrativ foto
Hindiston shimolidagi Uttar-Pradesh shtatida soʻnggi ikki kun ichida mintaqadagi haddan tashqari issiq ob-havo tufayli kamida 34 kishi hayotdan koʻz yumgan.
“Ularning barchasi turli kasalliklardan aziyat chekkan, gʻayritabiiy jazirama tufayli ahvoli yomonlashdi”, deydi Ballia tumani bosh shifokori Jayant Kumar.
Marhumlarning barchasi 60 yoshdan oshgan. Oʻz navbatida, mahalliy shifokorlar ushbu yoshdagi odamlarga kunduzi uyda qolishni maslahat berishdi.
Hindiston meteorologiya departamenti maʼlumotlariga koʻra, soʻnggi kunlarda Ballia tumanida maksimal harorat Selsiy boʻyicha 42,2 darajaga yetgan. Bu meʼyordan 4,7 darajaga yuqori. Issiq toʻlqin Uttar-Pradesh shtati boʻylab elektr taʼminotida uzilishlarga olib kelgan. Buning natijasida sanitariya va sovitish tizimlari ishlamay qolgan.
Shtat hukumati elektr taʼminotini toʻliq tiklashga vaʼda berib, aholini elektr energiyasidan tejamkorlik bilan foydalanishga chaqirdi.
Tavsiya etamiz
Ko‘p o‘qilganlar
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Yana bir bozor auksionga qoʻyildi
- Samarqand yana bir nufuzli forumga mezbonlik qiladi
- Oʻzbekiston pasporti xalqaro indeksda past natija qayd etdi
- Markaziy bank shoshilinch ogohlantirish bilan chiqdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring