Foto: Халқ сўзи

Bugungi kunda Sirdaryo viloyatida 3 nafar Ikkinchi jahon urushi qatnashchisi va nogironi bor. Oʻtgan yili shu kunlarda ularning soni 6 nafar edi.

Oʻzbekiston Respublikasi Prezidentining “Ikkinchi jahon urushi qatnashchilarini ragʻbatlantirish toʻgʻrisida”gi Farmoniga koʻra, ularning har biriga oʻn besh million soʻm miqdorida bir martalik pul mukofoti tantanali, bayramona ruhda topshirilmoqda.

Xususan, Sirdaryo viloyati hokimi Gʻofurjon Mirzayev hamda viloyat faollari Guliston shahrida istiqomat qiluvchi Ikkinchi jahon urushi qatnashchisi, 96 yoshli Bektursun ota Pirmatov xonadonida boʻlib, uni bayram bilan qutladi.

Bektursun otaga davlatimiz rahbari tomonidan yoʻllangan bayram tabrigi oʻqib eshittirildi. Shuningdek, bir martalik pul mukofoti, “Mustaqillik monumenti” statuetkasi hamda sovgʻalar topshirildi.

Otaxon dorilamon kunlarga shukrona aytib, ayniqsa, yoshlarimiz tinch va farovon hayotni qadrlamogʻi kerakligini taʼkidladi.

Ahmadali SHERNAZAROV, “Xalq soʻzi”.