Ayrim qonun hujjatlariga kiritilgan oʻzgartirishlar ipoteka kreditlari boʻyicha yangi mexanizmlarni joriy etadi. Endilikda elektron garov xati orqali ipoteka munosabatlarini tartibga solish imkoniyati yaratilmoqda.

“Ipoteka toʻgʻrisida”, “Qimmatli qogʻozlar bozori toʻgʻrisida” va “Toʻlovga qobiliyatsizlik toʻgʻrisida”gi qonunlarga kiritilgan oʻzgartirishlarga koʻra, elektron garov xati bilan taʼminlangan majburiyatlarni bajarish, u boʻyicha huquqlarni boshqa shaxsga oʻtkazish hamda undan foydalanish, shuningdek talab qilish huquqlari hamda garov xati tugatish massasiga kiritilmasligini nazarda tutuvchi yangi tartib joriy etiladi.

Qonunga muvofiq, elektron garov xatiga oʻzgartirish kiritish uchun garov xatining qonuniy egasi va garovga qoʻyuvchi Yagona interaktiv davlat xizmatlari portalida qoʻshimcha kelishuv shaklini toʻldirilishi kerak. Shuningdek, elektron garov xatlari boʻyicha huquqlar boshqa shaxslarga depo hisobvaragʻiga yozuv kiritish orqali oʻtkaziladi.