Жорий йилда соғлиқни сақлаш соҳасига 21 триллион сўмдан зиёд маблағ йўналтирилди — ССВ

08:37 05 Декабрь 2021 Жамият
671 0

Бугун юртимиз тиббиёт тизимида амалга оширилаётган ижобий ўзгариш ва янгиланишлар, энг аввало, оддий одамлар ҳаёти ва саломатлигини асраш, касалликларни эрта аниқлаш ва даволаш, тиббиёт муассасаларининг моддий-техника базасини мустаҳкамлашга қаратилаётгани билан аҳамиятлидир.

Хусусан, 2021 йил давлатимиз томонидан соғлиқни сақлаш соҳасига 21 триллион сўмдан зиёд маблағ йўналтирилгани тизимдаги ислоҳотлар кўламини яққол намоён этади.

Шунингдек, жорий йил тиббиёт муассасаларини замонавий асбоб-ускуналар билан жиҳозлашга 50 миллиард сўм, дори-дармон ва тиббий буюмлар билан таъминлаш мақсадида 1,7 триллион сўм маблағ ажратилгани аҳолига кўрсатилаётган тиббий хизматлар сифатини янада яхшилашга хизмат қилмоқда.

Энг муҳими, ажратилаётган ҳар бир маблағ соҳада ечилмай келаётган муҳим масалаларни ҳал этишга йўналтирилганини ҳисобга олсак, бу рақамлар ортида қанчадан-қанча ижобий ўзгаришлар турганини тасаввур қилиш қийин эмас.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?