Joriy yilda sogʻliqni saqlash sohasiga 21 trillion soʻmdan ziyod mablagʻ yoʻnaltirildi — SSV

08:37 05 Dekabr 2021 Jamiyat
668 0

Bugun yurtimiz tibbiyot tizimida amalga oshirilayotgan ijobiy oʻzgarish va yangilanishlar, eng avvalo, oddiy odamlar hayoti va salomatligini asrash, kasalliklarni erta aniqlash va davolash, tibbiyot muassasalarining moddiy-texnika bazasini mustahkamlashga qaratilayotgani bilan ahamiyatlidir.

Xususan, 2021-yil davlatimiz tomonidan sogʻliqni saqlash sohasiga 21 trillion soʻmdan ziyod mablagʻ yoʻnaltirilgani tizimdagi islohotlar koʻlamini yaqqol namoyon etadi.

Shuningdek, joriy yil tibbiyot muassasalarini zamonaviy asbob-uskunalar bilan jihozlashga 50 milliard soʻm, dori-darmon va tibbiy buyumlar bilan taʼminlash maqsadida 1,7 trillion soʻm mablagʻ ajratilgani aholiga koʻrsatilayotgan tibbiy xizmatlar sifatini yanada yaxshilashga xizmat qilmoqda.

Eng muhimi, ajratilayotgan har bir mablagʻ sohada yechilmay kelayotgan muhim masalalarni hal etishga yoʻnaltirilganini hisobga olsak, bu raqamlar ortida qanchadan-qancha ijobiy oʻzgarishlar turganini tasavvur qilish qiyin emas.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?