Жавоҳир Синдаров Швециядаги нуфузли турнир чемпионига айланди
Швециянинг Мальмё шаҳрида ўтказилган йирик халқаро шахмат турнири ўз якунига етди. Айлана тизимида бўлиб ўтган мазкур мусобақада Ўзбекистон шарафини гроссмейстер Жавоҳир Синдаров муваффақиятли ҳимоя қилди.
Мамлакатимизнинг иккинчи рақамли шахматчиси етти нафар кучли рақиблари билан совринли ўринлар учун кураш олиб борди.
Кеча бўлиб ўтган 7-тур баҳсида Синдаров қора доналарда украиналик шахмат афсонаси Василий Иванчукка қарши баҳс олиб борди ва ўйинни дуранг билан якунлади.
Ушбу натижа билан Жавоҳирнинг очколар сони 4,5 тага етди. Паралел тарзда, иккинчи ўринда бораётган туркиялик Ягиз Эрдогмус ҳам ўз рақиби, нидерландиялик Эрвин ЛЪАми билан дуранг ўйнади. Натижада, турнирда Жавоҳир Синдаровни очколар бўйича қувиб етишга ҳеч бир рақибда имкон қолмади.
Шундай қилиб, Жавоҳир Синдаров Малмёда ўтаётган нуфузли халқаро турнирда чемпионликни қўлга киритди. Бу натижа ёш гроссмейстеримиз учун навбатдаги муҳим ютуқ бўлиб, Ўзбекистон шахмат мактабининг юксак салоҳиятини яна бир бор исботлади.
Тавсия этамиз
Кўп ўқилганлар
- Ўрта Осиёдаги энг баланд янги йил арчаси — Наманганда
- Ўзбекистонда ЯТТ ва ўзини ўзи банд қилган шахслар QR-кодсиз фаолият юритса жаримага тортилади
- Ялдо туни: Ерликлар бугун энг узун тун ва энг қисқа кунга гувоҳ бўлади
- Муҳаммад Ризо Огаҳий номидаги халқаро мукофот совриндорлари маълум бўлди
- Ҳоким ёрдамчиси кимга ёрдамчи?
- Хонанда Раҳматилло Юсупов 44 ёшда вафот этди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг