Фото: AP

Украина президенти Владимир Зеленский Ғарбдан Россия билан муносабатлар ҳақида эмас, фақат Украина ҳақида ўйлашни талаб қилди. Бу ҳақда у «Sky News» телеканалига берган интервьюсида айтди.

«Барча давлатлар фақат ўзлари ва Россия билан бўлажак муносабатлари ҳақида ўйлашдан тўхтаб, кўпроқ Украина ҳақида ўйлашлари керак – чунки бу бугунги куннинг саволи, бу ҳозир содир бўлмоқда», – дейди Украина етакчиси.

Бундан ташқари, Зеленский иттифоқчиларнинг ким қандай санкциялар қўллаши ҳақидаги муҳокамаси Киевга нисбатан адолатсизлигидан шикоят қилди.

Бир кун аввал Европа Иттифоқига аъзо давлатларнинг доимий вакиллари Москвага қарши янги чекловлар муҳокамасини кун тартибидан олиб ташлаган эди. Европа Иттифоқи узоқ вақт давомида 18-чеклов пакети бўйича келиша олмади. Бунга Словакия ва Венгрия Россия энергия ресурсларини импорт қилишни тақиқлашнинг ўз иқтисодиётлари учун салбий оқибатларидан қўрқиб, тўсқинлик қилди.

Кремль матбуот котиби Дмитрий Песков фикрича, санкциялар икки қиррали қиличдир. Россия бу каби бир томонлама ҳаракатларни ноқонуний деб билишини ва уларга қарши эканлигини бир неча бор таъкидлаган.

Зеленский интервью чоғида Киев ўт очишни тўхтатишга тайёрлигини ҳам айтди.

У Украина АҚШ президенти Дональд Трамп ўт очишни тўхтатиш бўйича келишиб олишига умид қилаётганини таъкидлади ва “Биз ўт очишни тўхтатишга тайёрмиз», деди.

Аввалроқ, Зеленский Москвага боришдан бош тортиши сабабини айтган эди. Унинг сўзларига кўра, у Россия пойтахтига мамлакат президенти Владимир Путин билан учрашиш учун бора олмаган, чунки бу шаҳар Украинага ҳужум қилаётган давлатнинг пойтахти ҳисобланади.

Бунгача Зеленский Трампга Украинадаги можарога барҳам бериш шартини қўйганди. Яъни у АҚШ ва Европа қўллаб-қувватлайдиган ҳужжатга эга бўлмоқчи. Унга Украинага Трампдан аниқ позиция ва хавфсизлик кафолатлари керак.

Интервью пайти Зеленский Киевнинг иттифоқчилари республика учун хавфсизлик кафолатлари бўйича ишни деярли якунлаганини ҳам қўшимча қилди.

«Биринчидан, ижобий томони бор, чунки хавфсизлик кафолатлари анчадан бери қоғозда бўлган. Улар деярли тайёр. Якунланиши керак бўлган бир нечта нуанслар бор. Мен АҚШдан батафсилроқ аниқроқ позицияни истардим», – деди Зеленский.

Унинг таъкидлашича, Вашингтон «кафолатларни қўллаб-қувватлайди ва иштирокчи бўлади», лекин Украина аниқроқ нарсаларни хоҳлайди. Давлат раҳбари, шунингдек, 26 давлат тегишли кафолатлар беришга розилигини таъкидлади.

Шу йилнинг 5 сентябрь куни Россия президенти Владимир Путин Шарқий иқтисодий форумнинг ялпи мажлисида Россия томони Россия ва Украина учун ишлаб чиқилиши керак бўлган хавфсизлик кафолатларини ҳурмат қилишини айтди.

Унинг сўзларига кўра, Россия томони келишувга эришилса, ўз мажбуриятларини тўлиқ бажаради. Президент бунга ҳеч ким шубҳа қилмаслиги кераклигини таъкидлади.