Ёшлар учун янги имкониятлар эшиги очилмоқда

Фото: «Халқ сўзи»
Мамлакатимиз бўйлаб ёшларни иш билан таъминлаш ва хусусий тадбиркорликка йўналтириш мақсадида “Ёшлар саноат ҳудудлари”нинг ташкил этилиши ўзининг ижобий натижасини бера бошлади. Мисол учун, Андижон вилояти Хўжаобод туманида ёш тадбиркор Аббосбек Жўраев калава ип тайёрлаш корхонасига асос солди.
– Хўжаобод туманида юзлаб енгил саноат корхоналари бор,– дейди А. Жўраев. – Тенгдошларим қатори улардан бирида ишлашим ҳам мумкин эди, бироқ республикамизда ёш тадбиркорларга бўлган эътибор, улар учун яратилаётган имкониятлар ташаббускор йигит-қизларни мана шундай саноат ҳудудларига бирлаштираётганини кўриб, бундай қулайликлардан мен ҳам фойдаланишга қарор қилдим. Туманимиздаги тўқимачилик корхоналарига калава ип етказиб бериш лойиҳамни амалга оширдим. Ҳозирда 40 нафар тенгдошларимни иш билан таъминлаганман. Келгусида уларнинг сонини юз нафарга етказишни режалаштириб турибман.
Бир сўз билан айтганда, вилоят бўйича 19 та манзилда шундай саноат ҳудудлари ташкил этилмоқда ва уларда минглаб ёшлар ўндан ортиқ турдаги саноат ишлаб чиқариш фаолияти билан шуғулланадилар.
Саминжон ҲУСАНОВ, “Халқ сўзи”.
Тавсия этамиз
Кўп ўқилганлар
- Шавкат Мирзиёев 30 июнь – Ёшлар куни муносабати билан ўтказилган учрашувда нутқ сўзлади
- «Жасорат мактаблари»га ўқувчиларни қабул қилиш тартиби белгиланди
- Нодавлат олий таълим муассасалари устав фондини камида 2 миллион АҚШ доллари эквивалентида шакллантирилиши шарт – Вазирлар Маҳкамаси қарори
- Етакчилар «Иморат» тарихий-меъморий мажмуасига борди
- «Халқ сўзи» бўлим муҳаррири «Олтин қалам» мукофоти соҳиби бўлди
- Хива шаҳрида Биринчи Ўзбекистон-Озарбайжон парламентлараро форуми муваффақиятли якунланди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг