Фото: AP

Франция Бош вазири Мишель Барнье ҳукуматнинг қулашига сабаб бўлган ва мамлакатдаги сиёсий нотинчликни чуқурлаштирган ишончсизлик вотуми сабаб пайшанба куни истеъфога чиқди. Барнье президент Эммануэль Макронга истеъфосини расман топширган ва уни Макрон қабул қилди. Франция президенти идораси баёнотига кўра, у янги ҳукумат тайинланмагунча ўз вазифасини вақтинчалик бажаради.

Душанба куни 577 депутатдан жами 331 нафари Барньенинг заиф ҳукуматига қарши овоз берди ва у ўз ҳукуматининг йиллик бюджетининг бир қисмини ўзлаштиришга уринишидан кейин фахрий сиёсатчи ва таниқли музокарачини ағдариш имкониятидан фойдаланган. Унинг ҳукумати 1962 йилдан бери ишончсизлик ҳаракатида мағлуб бўлган биринчи Франция ҳукумати бўлиб, Барнье энди Франция тарихидаги энг қисқа муддат ишлаган бош вазирга айланди. Макрон Барньени ёзда бўлиб ўтган навбатдан ташқари сайловлардан сўнг озчилик ҳукуматини бошқаришга тайинлаган эди.

Чоршанба кунги Миллий Ассамблеядаги мунозарада ўз ишини ҳимоя қилган Барнье қонунчиларга қўрқмаслигини маълум қилган ва уни олиб ташлаш вазиятни янада қийинлаштириши ҳақида огоҳлантирган.

Франция энди Бош вазир ва бюджециз беқарор йил охирига яқинлашмоқда. Макрондан янги бош вазирни танлаш талаб этилади. Бюджет 21 декабрга қадар қабул қилиниши керак. Агар бу муддатгача ҳал қилинмаса, ҳукуматга солиқларни йиғиш ва иш ҳақини тўлаш имконини бериш орқали “фискал узлуксизлик тўғрисида”ги қонунни ишлаб чиқиши мумкин. Шунингдек, кейинги сайловни ўтказиш учун амалдаги парламент охирги овоз беришдан бир йил ўтгач июнь ойи охиригача ўтириши керак.

Ҳукумат ҳисоб-китобларига кўра, Барньенинг ҳокимиятдаги инқирозига сабаб бўлган молиялаштириш тўғрисидаги қонун лойиҳаси 60 миллиард евро миқдорида солиқларни ошириш ва келаси йил мамлакат бюджети тақчиллигини 5 фоизга камайтиришга қаратилган харажатларни қисқартиришни ўз ичига олади. Шунингдек, баъзи чора-тадбирлар мухолифат партияларига ёқмаган. Масалан, пенсияларни инфляцияга мос равишда оширишни кечиктириш шулар жумласидандир.

Франциянинг давлат қарзи ялпи ички маҳсулотнинг 111 фоизига яқинлашмоқда. Бу Иккинчи Жаҳон урушидан бери энг катта инқирозга яқинлашмоқда. Бунга Covid-19 пандемияси, энергия инқирози туфайли иқтисодиётни юмшатиш учун катта маблағ сарфланиши ва Россиянинг Украинага кенг кўламли бостириб кириши таъсир қилган.