Фото: AP

Аралаш яккакураш (ММА) бўйича австралиялик жангчи Александр Волкановски ирландиялик Конор МакГрегор билан жанг ўтказиш эҳтимоли ҳақида гапирди. 

Волкановскининг айтишича, МакГрегор у мағлуб этмаган енгил вазн тоифасидаги ягона чемпиондир. 

«Шундай экан, бу жанг мен учун ниманидир англатади. Албатта, бу баҳс олиб келиши мумкин бўлган пул ҳақида ҳам унутмаслигимиз керак», дейди австралиялик спортчи.

МакГрегор енгил ва ярим енгил вазн тоифасида собиқ UFC чемпиони. Спортчи 2021 йилнинг ёзидан бери октагонга чиқмаган. У америкалик Дастин Порье билан бўлган охирги жангида оёғини синдириб олиб, техник нокаут билан ютқазган эди. Ирландиялик спортчи профессионал фаолиятида 28 та жанг ўтказиб, 22 тасида ғалаба қозонган, 6 бор мағлубият аламини тотиб кўрган.

34 ёшли Волкановски енгил вазн тоифасида UFC чемпиони ҳисобланади. Унинг ҳисобида 25 ғалаба ва битта мағлубият бор. Волкановски охирги марта 2022 йил июль ойида Макс Холлуэйни ҳакамларнинг якдил қарори билан мағлуб этганди.