Фото: sondakika.com

Туркияда Россияга тегишли ёнғинга қарши вертолёт қулаб тушишди. Мамлакат жануби-ғарбида жойлашган Денизли шаҳрида юз берган ушбу фожиа оқибатида бир киши ҳалок бўлган, яна тўрт киши тан жароҳати олган.

Қайд этилишича, ёнғинни ўчириш учун ҳавога кўтарилган вертолёт Муғла вилоятининг Мармарис туманида ўрмонли ҳудуддаги далага қулаган ва ёниб кетган. Нашрнинг ёзишича, воқеа жойидан чиққан тутун шаҳарнинг аксарият қисмларидан кўринган. Қутқарувчилар зудлик билан вертолёт қулаган жойга етиб ўтди ва ёнғин тарқалишининг олдини олиш учун барча чораларни кўрган. Манбага кўра, Денизли губернатори Али Фуат Атик воқеа жойига етиб келган.

4 сентябрь куни "Cessna" русумли хусусий самолёти Болтиқ денгизига қулагани хабар қилинган эди. У Испаниядан Германияга учиб кетаётган вақтда фожиага учраган. Швециялик қутқарувчиларнинг маълумотларига кўра, самолёт Латвиянинг Вентспилс шаҳридан шимоли-ғарбда радарлардан ғойиб бўлган ва соат 19:45 да қулаган. Тахминларга кўра, қулаш жойида майда қолдиқлар ва нефть доғлари топилган. Дастлабки маълумотларга кўра, самолёт учувчиси салондаги босимни йўқотганлиги сабабли ҳушини йўқотган. Ва шу ҳолат фожиага сабаб бўлган.