Иллюстратив фото

Туркия Маданият ва туризм вазири ўринбосари Батуҳан Мумжу, Туркияда ишлаб чиқарилган сериаллар Америкадан Россияга, Узоқ Шарқдан Лотин Америкасига қадар дунёнинг 170 дан ортиқ давлатида намойиш этилганини ва уларнинг томошабинлари тахминан 750 миллион кишига етганини маълум қилди.

Маданият ва туризм вазири ўринбосари Батуҳан Мумжу Германиянинг пойтахти Берлинда 74-Халқаро Берлин фильм фестивали (“Berlinale”) доирасида бир қатор учрашувлар ўтказиб, Туркиянинг стендини ҳам ўз ичига олган Европа кино бозорини (EFM) зиёрат қилди.

“Вазирлик томонидан қўллаб-қувватланаётган кинофильмлар юртимиз тарғиботига ҳисса қўшмоқда”, — деди Мумжу “Berlinale” ва Европа кино бозори дунёдаги энг муҳим кино воқеаларидан бири эканлигини таъкидлаб.

“Биз илгари кўплаб мукофотларга сазовор бўлганмиз, жумладан “Berlinale”да бош мукофот бўлган Олтин айиқни ҳам қўлга киритганмиз. Вазирлигимиз томонидан қўллаб-қувватланган кинофильмлар Берлин, Канн, Венеция, Торонто ва Токио каби дунёнинг энг муҳим халқаро кинофестивалларида қатнашиб, турк киноси ва юртимиз тарғиботига ҳисса қўшмоқда ”, — деди Мумжу бутун дунё томонидан кузатиб бориладиган ва минглаб тармоқ вакиллари бир жойга тўпланган ушбу тадбирда қатнашиш ва бу ерда турк киноси ва Туркияни муваффақиятли намоён этишнинг аҳамиятига тўхталиб.

Турк сериаллари 170 дан ортиқ давлатда намойиш этилади

“Кино ижодкорларимизнинг ҳамкорликда ишлаб чиқариш ва бошқа ҳамкорлик учрашувларига мезбонлик қилмоқдамиз. Ушбу учрашувлар янги ҳамкорликда кинолар олиш ва ҳамкорлик имкониятларини ривожлантириш учун жуда муҳимдир. Бундан ташқари, бу ерда фильмларимизнинг хорижга сотилиши амалга оширилмоқда ва бу биз учун жуда муҳим аҳамиятга эга”, — деди у фестивал доирасида очилган Туркия стендида секторнинг хорижлик вакилларига турк фильмларини тақдим этганликларини маълум қилиб.

У шу ўринда турк сериаллари бутун дунёда томоша қилинаётганига диққат қаратган Мумжунинг қайд этишича, бугунги кунда сериалларимиз Америкадан Россияга, Узоқ Шарқдан Лотин Америкасига қадар дунёнинг 170 дан ортиқ давлатида намойиш қилинмоқда ва уларнинг томошабинлари тахминан 750 миллионга кишига етмоқда. Турк сериал ва кино саноати экспорт бўйича дунёнинг биринчи 5 давлати орасида. Турк сериаллари сотилган ҳудудларда Туркия ва турк маданиятини танитиш нуқтаи назаридан катта таъсирга эгадир.

2025 йилда Истанбулда Сериаллар ва телекўрсатувлар ярмаркаси ташкил этилади

Мумжунинг қайд этишича, турк сериаллари Туркияни дунёда тан олинишига катта ҳисса қўшмоқда.

“Шунинг учун биз бу қадар катта таъсирга эга бўлган сериал соҳамиз билан ҳамкорликда муҳим ишларни амалга оширмоқдамиз. Биз дунёдаги энг муҳим телесериаллар ва контент ярмаркаларидан бири бўлган MIPCOM, MIPTV, ATF Singapore, Content America ва Dubai TV, Seriyes and Content Fair каби тадбирларда мамлакат стендларини очишни қўллаб-қувватлаймиз ва ўз сериалларимизни бутун дунёга тақдим этамиз. Насиб қилса, 2025 йилда Истанбулда телесериаллар ва телекўрсатувлар кўргазмасини ташкил қиламиз. Ўйлаймизки, бу ўз соҳасидаги энг муҳим тадбирлардан бири бўлади”, — дейди вазир ўринбосари.

Томошабинлар сонининг ўтган йилга нисбатан 30 фоизга ўсди

Мумжу пандемия даврида кинотеатрлар узоқ вақт эшикларини ёпишга мажбур бўлинганини ва бутун дунёда бўлгани каби Туркияда ҳам томошабинлар сонида катта пасайиш кузатилганини эслатиб ўтди.

“Ушбу даврда кинотеатрлар фаолиятини давом эттиришлари учун 32 миллион лиралик ёрдам бердик. Бундан ташқари, Ғазначилик ва молия вазирлигимиз билан ҳамкорликда 10 фоизлик “Ўйин-кулги солиғи”ни 0 фоизга туширдик ва шу билан 2023 йилда секторга 278 миллион лиралик ёрдам кўрсатдик”, — деди вазир ўринбосари.

Мумжу, шунингдек, кино томошабинлар сонини ошириш учун қонунчиликка ўзгартириш киритганликларини ва иккита янги чегирмали чипта турларини жорий қилганликларини таъкидлади.

“Шундай қилиб, биз хусусий муассасаларга чегирмали чипталар харид қилишига йўл очдик. Ушбу тартиб 2024 йилда томошабинлар сонига катта ҳисса қўшишига ишонамиз. Кино соҳамиз бу йилни жуда яхши бошлади. Томошабинлар сони 2024 йилнинг февралида ўтган йилнинг шу даврига нисбатан 34 фоизга ошган. 2024 йилда томошабинлар сони 40 миллиондан ошади, бу ўтган йилга нисбатан 30 фоизга ўсишини башорат қилмоқдамиз. Умид қиламизки, биз саноатимиз билан йилни ажойиб ўтказамиз” — дейди Мумжу,

Туркияда кўплаб янги фильмлар олинишига мезбонлик қилади

Вазир ўринбосари Мумжу “Berlinale” доирасида Туркияда хорижий фильмлар суратга олиш ишларига ҳам тўхталиб, Туркиянинг бой тарихи ва табиий гўзалликлари билан табиий плато хусусиятига эга эканлигини таъкидлади.

“300 га яқин қуёшли кунлар сони, турли суратга олиш жойлари, рақобатбардош нарх устунлиги, илғор техник инфратузилма, тажрибали ва малакали ишчи кучи ва рағбатлантириш тизими билан кино ижодкорларига катта афзалликларни тақдим этади. Ушбу афзалликларга қўшимча равишда мамлакатимиз рақобатбардошлигини ошириш мақсадида мамлакатимизда фильм суратга оладиган хорижлик киноижодкорлар Туркияда сарфлаган маблағининг 30 фоизигача миқдорини қайтариб олишлари мумкин бўлган “Хорижий фильм олишни қўллаб-қувватлаш” дастурини амалга оширдик”, — деди у.

Шу ўринда у Гай Ричи, Жейсон Стайтем, Хью Грант, Жош Ҳартнетт, Генри Кавилл ва Салмон Хон каби дунё юлдузлари иштирок этган жуда муҳим фильмларнинг Туркияда суратга олинганига эътиборини қаратти.

“Голливуд кўплаб фильмларини мамлакатимизда суратга олишни хоҳлайди. Умид қиламизки, келгуси даврда Туркияда кўплаб суратга олинишларга мезбонлик қиламиз”, — дейди вазир ўринбосари.