Архив фото

АҚШнинг биринчи хоним турмуш ўртоғи Дональд Трампга Россиянинг Украина шаҳарларига қилган зарбалари оқибатларини эслатган ва Киевга «Patriot» зенит-ракета тизимларини етказиб беришга рози бўлишга кўндиришда муҳим роль ўйнаган. Бу фикрларни «The Times» нашри ёзди.

Душанба куни Овал кабинетда НАТО Бош котиби Марк Рютте билан учрашувда АҚШ президенти рафиқаси билан бўлган суҳбатини шундай ҳикоя қилган: “Мен уйга келаман ва биринчи хонимга «мен бугун Владимир Путин билан гаплашдим, ажойиб суҳбат бўлди», дейман. Ва у шундай дейди: «Оҳ, ростданми. Ҳозир яна бир шаҳар зарар кўрди».

Нашр манбаларига кўра, унинг Украина можаросига қизиқиши келиб чиқиши билан изоҳланади. 1970 йилда собиқ Югославияда туғилган Мелания аввалроқ Совуқ урушни тугатишга ёрдам берган АҚШнинг 40-президенти Роналд Рейганга ҳайратини билдирган эди.

Меланиянинг ҳаётига қизиқиб, ўрганиб борадиган журналист ва ёзувчи Мери Жорданнинг айтишича, биринчи хонимнинг отаси, 81 ёшли Виктор Кнавс Словенияга ташрифини давом эттириб, уни Европа сиёсатидан хабардор қилади.

«Бунинг ажабланарли жойи йўқ, чунки у собиқ Югославияда, Россияни ёқтирмайдиган мамлакатда ўсган. Унинг ватани (Словения – таҳр.) Украинани қўллаб-қувватлайди ва у ердаги одамлар АҚШ Украинани қуроллантиришни тўсатдан тўхтатганидан ҳайратда. Вазирлар маҳкамасининг бошқа аъзоларига қараганда, у ўз фикрини етказишда кўпроқ тажрибага эга», – дейди Жордан.

Мелания аввалроқ Украина можароси бошланганидан норози бўлганига оид далиллар ҳам бор. У ўз издошларини Қизил Хочга хайрия қилишга чақириб, Украина халқи билан бирдамлигини билдирган.