Фото: Юнус Бўриев, Акмал Муҳаммадов / «Халқ сўзи»

2025 йил 25-27 февраль кунлари Тошкентдаги 1, 2, 3, 4-павилонлар ва Atrium 2 залида «UzBuild 2025» ҳамда «Woodtech & MebelExpo Uzbekistan 2025» халқаро кўргазмалари ўтказилади.

Ушбу тадбирлар қурилиш ва мебель саноатининг етакчи вакилларини бир жойга тўплаш, янги маҳсулот ва технологияларни намойиш этиш ҳамда бизнес алоқаларни кенгайтириш мақсадида ташкил этилмоқда.

«UzBuild 2025» кўргазмасида эшик ва деразалар, декоратив ёритиш ускуналари, пол қопламалари, девор қоғозлари, люстра ва жалюзалар, ландшафт дизайни маҳсулотлари каби замонавий қурилиш материаллари намойиш этилади.

«Woodtech & MebelExpo Uzbekistan 2025» кўргазмасида машинасозлик технологиялари, ёғочни қайта ишлаш ускуналари, мебель фурсати, аксессуарлар, сунъий тош, бўёқ ва лак маҳсулотлари ҳамда офис ва уй мебеллари тақдим этилади.

Кўргазмаларда дунёнинг 22 мамлакатидан 500 дан ортиқ компания ва брендлар қатнашиши кутилмоқда. Ушбу тадбирлар соҳа мутахассислари ва тадбиркорлар учун тажриба алмашиш ҳамда янги ҳамкорликлар ўрнатиш учун муҳим платформа бўлиб хизмат қилади.

Фото: Юнус Бўриев, Акмал Муҳаммадов / «Халқ сўзи»