Foto: Yunus Bo‘riyev, Akmal Muhammadov / «Xalq so‘zi»

2025-yil 25-27-fevral kunlari Toshkentdagi 1, 2, 3, 4-pavilonlar va Atrium 2 zalida “UzBuild 2025” hamda “Woodtech & MebelExpo Uzbekistan 2025” xalqaro koʻrgazmalari oʻtkaziladi.

Ushbu tadbirlar qurilish va mebel sanoatining yetakchi vakillarini bir joyga toʻplash, yangi mahsulot va texnologiyalarni namoyish etish hamda biznes aloqalarni kengaytirish maqsadida tashkil etilmoqda.

“UzBuild 2025” koʻrgazmasida eshik va derazalar, dekorativ yoritish uskunalari, pol qoplamalari, devor qogʻozlari, lyustra va jalyuzalar, landshaft dizayni mahsulotlari kabi zamonaviy qurilish materiallari namoyish etiladi.

“Woodtech & MebelExpo Uzbekistan 2025” koʻrgazmasida mashinasozlik texnologiyalari, yogʻochni qayta ishlash uskunalari, mebel fursati, aksessuarlar, sunʼiy tosh, boʻyoq va lak mahsulotlari hamda ofis va uy mebellari taqdim etiladi.

Koʻrgazmalarda dunyoning 22 mamlakatidan 500 dan ortiq kompaniya va brendlar qatnashishi kutilmoqda. Ushbu tadbirlar soha mutaxassislari va tadbirkorlar uchun tajriba almashish hamda yangi hamkorliklar oʻrnatish uchun muhim platforma boʻlib xizmat qiladi.

Foto: Yunus Bo‘riyev, Akmal Muhammadov / «Xalq so‘zi»